Eskerrik asko
hurbildu zareten guztioi!
Aro politiko berri batek Euskal Herria argitu du. Hamarkadetan luzatu den gatazka politikoari irtenbide justu bat aurkitzeko eginahalean bat egiten dute Euskal Herriko nahiz nazioarteko eragile politiko, sindikal eta erakunde anitzek. Eginahal honen fruituak ikusten ari gara, eta gaur ukaezina da gure herrian benetako bake eta demokrazia egoera batera hurbiltzeko bidea egiten dihardugula.
Bidea egiten
dihardugu beraz, poliki-poliki, geltokiz-geltoki.
Gure aldetik argi
dugu espetxe politika konponbidearen gakoetara ekarri behar dela. Zentzu
horretan, munduan zeharreko gatazka ezberdinetan presoen aferari emandako
irtenbideetatik ikasgaiak atera ditzakegula uste dugu, kasu Irlandako
prozesutik nahiz Hego Afrikakotik.
Hala ere, espetxe
politikak oinarrizko eskubideak ukatzen ditu oraindik orain. Ezarritako
zigorrak bete ondoren espetxean mantentzen dituzte hainbat preso. Gaixotasun
larriak dituztenak giltzapean dituzte gaur gaurkoz. Sakabanaketak istripuak
eragiten jarraitzen du. Larritasun handiz bizi ditugun egoerak dira, urgentziaz
konpondu beharrekoak.
Egoera bidegabe
honen aurrean garrantzitsua da jendartearen inplikazioa. Euskal Herrian
gehiengo politiko, sindikal eta sozialak hamaika aldiz eskatu du egoera honekin
amaitzeko. Beraz, PATetik dei egiten dizuegu mobilizazioetan parte hartzeko eta
bakoitzaren auzo edo herrietan euskal preso politikoen eskubideen defentsan lan
egiteko.
ESKUBIDE GUZTIEN JABE, EUSKAL PRESOAK EUSKAL HERRIRA!!!
