Gaur, asteazkena urriak 10 eguerdiko 14.45ean, Gazteizko Kanpuseko
ikasleek eserialdia gauzatu dute Nieves Cano errepidean. Ikasleek aularioko mahaiak eta
aulkiak atera dituzte errepidera, klasean esertzeko lekurik ez dutela
salatzea xede zutelarik. Adibidez 116 ikasle matrikulatu diren klase
batean 76 toki soilik daude, eta hala, zenbait ikasle
zoruan eseri behar dira klasea jarraitzearren.
Ekimen hau urriak 11ko Nazioarteko Ikasle Greba orokorraren
testuinguruan gauzatu egin da. Ordu laurdenera Gazteizeko Udaltzaingoa
hurbildu da bertara eta gerora Ertzaintza agertu da. Eserita zeuden 28
ikasleak identifikatu dituzte eta isunak ipiniko zituztela, nahiz
prozesaketa judiziala izango dela esanez, ekimeneko
partehartzaileak mehatxatu dituzte.
Ordu erdia pasata, inguruan zeuden dozenaka ikasleen txaloen artean
ikasleak errepidea libre utzi eta Urriak 11ko greban parte hartzeko
deialdia zabaldu diete kanpus gasteiztarreko ikasle orori.
