GUET-ek, Gasteizko kanpuseko emakume taldeak, itxuraren aurkako ekintza burutu zuen kanpusean komunetan margoketak eginez.
"Gaur egungo jendartean
irudiak duen nagusitasuna ukaezina da. Pertsonon kasuan ere, itxurak
izugarrizko garrantzia du gure identitateen eraikuntzan. Sistema
patriarka-kapitalistak, bere ideologia mantentzeko eta etekin ekonomikotarako,
gizon-emakume binomioan oinarritutako sexuen araberako rol eta kanpo-itxura
jakin batzuk inposatzen dizkigu, maskulinitate eta feminitate idealak ezarriz. Hau betetzeko, besteak beste, publizitate
sexistarekin bonbardatzen gaituzte. Eredu horietatik ateratzen denak presio soziala jasan behar izaten du.
Edertasuna zer den esaten digute, bestentzat ederrak egotearekin obsesionatu
nahi gaituzte, eta batzuetan baita lortu ere. Margoketa hauekin gure gorputzei
inposatutako legeak onartzen ez ditugula eta guretzako edertasuna norberarengan
dagoela aldarrikatu nahi izan dugu. Gure buruak usaintzea, ukitzea, gozatzea
eta baita begiratzea gustatzen bazaigu ere, ez dugulako ispiluaren ez beste
inoren beharrik ederrak garela sentitzeko".
